وين تبدا هالمدينه !!

وين تبدا ها المدينة .. كل يوم ..من رصيفٍ عاريٍٍ تحت النجوم ..من عناوين الجريدة ..في المواني .. وحمرة عيون المسافر ..ضحكة الصبح الجديدة ..أخر أوراق التذاكر ..أو بعد حبر الختوم ..وين تبدا ها المدينه .. كل يوم ..ودي اعرف ها العواصم ..وأبي ابدا من يديها ..ودي انزع من أصابعها الخواتم ..قبل لا سلم عليها ..ودي تجمعني بها لحظه حميمة ..وين تجلس ها المدينة ..في العماير .. في الدواير ..في الدكاكين القديمة ..أو تحت أهدابك انتي ..في صدري إحساس شهي ..لو يدوم ..و أبي اعرف وين تبدا ها العيون .. وتنتهي ..كل يوم ..؟
مدري وش سر العواصم .. والمداين .. والعيون ..ومدري وش سر الجنون ..إني اعرف ..انتظرتك في محطات القدوم ..وفي مواعيد السفر ..صك شباك التذاكر ..و انمحى حبر الختوم ..وما عرفتك ...

من قصائدي المفضلة

----------------------------------------

بدر بن عبدالمحسن